აშშ-ის სამხრეთის სარდლობის განცხადებით, წყნარ ოკეანეში ნარკოტიკების გადამზიდ სამ ნავს დაარტყეს.

„პირველი დარტყმის შედეგად ერთი ნავის ბორტზე მყოფი სამი ნარკოტერორისტი დაიღუპა. დანარჩენ ორ ნავზე მყოფი ნარკოტერორისტები წყალში გადახტნენ“, - წერს აშშ-ის სამხრეთის სარდლობა X-ზე.

ABC News-ი ამერიკელ მაღალჩინოსნებზე დაყრდნობით წერს, რომ დარტყმის შემდეგ, სულ მცირე, ექვსი ადამიანი გადარჩა.

აშშ-ის სანაპირო დაცვამ განაცხადა, რომ დარტყმის ადგილას სამძებრო-სამაშველო ოპერაციას ატარებს.