კიევში ეროვნული უსაფრთხოების საკითხებში ევროპელი ლიდერების მრჩევლები ჩავიდნენ, - ინფორმაციას უკრაინის ეროვნული უსაფრთხოებისა და თავდაცვის საბჭოს მდივანი, რუსტემ უმეროვი სოციალურ ქსელში ავრცელებს.

„შეხვედრებში მონაწილეობას გერმანიის, გაერთიანებული სამეფოს, საფრანგეთის, იტალიის, ესპანეთის, ლატვიის, ესტონეთის, ლიეტუვის, პოლონეთის, ფინეთის, კანადის, ნიდერლანდების, შვედეთის, ნორვეგიისა და დანიის, ასევე ნატო-ს, ევროპული საბჭოსა და ევროკომისიის წარმომადგენლები მიიღებენ“, - წერს უმეროვი X-ზე.

უმეროვის ცნობით, პარტნიორებთან შეხვედრებზე შემდგომი ნაბიჯების კოორდინაცია მოხდება.

ცნობისთვის, 6 იანვარს პარიზში „მსურველთა კოალიციის“ ლიდერების შეხვედრა გაიმართება.