ვენესუელაში არასტაბილურობის შესაძლო გამწვავებით შეშფოთებული ვარ, - ამის შესახებ გაერო-ს გენერალურმა მდივანმა, ანტონიო გუტერეშმა ვენესუელის შესახებ გამართულ უშიშროების საბჭოს სხდომაზე განაცხადა.

„ვენესუელა ათწლეულების განმავლობაში საშინაო არასტაბილურობას, სოციალურ და ეკონომიკურ არეულობას განიცდის. დემოკრატიას ძირი გამოეთხარა. მილიონობით ადამიანმა ქვეყანა დატოვა. სიტუაცია კრიტიკულია, თუმცა უფრო ფართო და დამანგრეველი კრიზისის თავიდან არიდება შეიძლება“, - განაცხადა გუტერეშმა.

მისი თქმით, საერთაშორისო სამართალი „მშვიდობისა და უსაფრთხოების შენარჩუნების საფუძველს წარმოადგენს“.

ცნობისთვის, ვენესუელაში აშშ-ის ოპერაციის შემდეგ გაერო-ს უშიშროების საბჭოს საგანგებო სხდომა კოლუმბიამ, ჩინეთისა და რუსეთის მხარდაჭერით მოიწვია.