აშშ-მა ვენესუელასთან დაკავშირებული ნავთობტანკერი დააკავა მას შემდეგ, რაც ატლანტის ოკეანეში მისი დევნის ოპერაციას ატარებდა. ნათქვამია აშშ-ის ევროპული სარდლობის სოციალურ ქსელში გამოქვეყნებულ პოსტში.

ტანკერი, რომელსაც თავდაპირველად Bella1 ერქვა, აშშ-მა 2024 წელს დაასანქცირა, ვინაიდან, ის “ჩრდილოვანი ფლოტის” ნაწილი იყო და უკანონო ნავთობის ტრანსპორტირებას ახდენდა.

აღინიშნება, რომ ტანკერის დაკავების ოპერაციაში აშშ-ის სამხედროები და სანაპირო დაცვა მონაწილეობდნენ.

ცნობისთვის, აშშ-ის სანაპირო დაცვამ აღნიშნული ტანკერის დაკავება წინა თვეში სცადა, როდესაც ის ვენესუელას მახლობლად იყო, თუმცა ვერ შეძლო. გარკვეულ მომენტში გემის ეკიპაჟმა მასზე რუსული დროშა დახატა, რათა ეჩვენებინა, თითქოს ის რუსეთის დაცვის ქვეშ ოპერირებს. მალევე, აღნიშნული ნავთობტანკერი რუსეთის გემების ოფიციალურ რეესტრში გაჩნდა ახალი სახელით - Marinera, თუმცა, CNN-ის წყაროების ცნობით, ტრამპის ადმინისტრაცია აღნიშნულ სტატუსს არ აღიარებს და გემს ახლაც არცერთი ქვეყნის საკუთრებად არ მიიჩნევს.