რუსთაველის გამზირზე საპროტესტო აქცია მიმდინარეობს. მოქალაქეები საკანონმდებლო ორგანოს წინ, ტროტუარზე არიან შეკრებილი.

აქციის მონაწილეებს პარლამენტის წინ მოტანილი აქვთ საქართველოს, ევროკავშირისა და ამერიკის შეერთებული შტატების დროშები.

საკანონმდებლო ორგანოსთან უწყვეტი პროტესტი ერთ წელზე მეტია მიმდინარეობს.

დემონსტრანტების მოთხოვნები უცვლელია - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.