ტაილანდში მატარებელს ამწე დაეცა, 19 ადამიანი დაიღუპა და 80 დაშავდა
ტაილანდში მატარებელს ამწე დაეცა, რის შედეგად, სულ მცირე, 19 ადამიანი დაიღუპა და 80 დაშავდა, - ინფორმაციას Reuters-ი ავრცელებს.
გამოცემის ცნობით, შემთხვევა ტაილანდის ჩრდილო-აღმოსავლეთით, ნახონ რაჩასიმას პროვინციაში მოხდა, როდესაც სამშენებლო ამწე მატარებლის სამ ვაგონს დაეცა, რის შემდეგაც მატარებელი ლიანდაგიდან გადავიდა.
ტაილანდის ტრანსპორტის მინისტრის განცხადებით, ამწე რკინიგზის პროექტზე მუშაობდა.
„19 ცხედარი ნაპოვნია, თუმცა მატარებლის ვაგონებში ჯერ კიდევ რჩება რამდენიმე, რომელთა ამოყვანაც ჯერჯერობით ვერ ხერხდება“, - განაცხადა ადგილობრივმა პოლიციამ.
ტრანსპორტის მინისტრის ინფორმაციით, შემთხვევის დროს მატარებელში 195 მგზავრი იმყოფებოდა.
