გვითხრეს, რომ ირანში მკვლელობები და სიკვდილით დასჯა შეწყდა. ამის შესახებ აშშ-ის პრეზიდენტმა, დონალდ ტრამპმა თეთრ სახლში მედიასთან საუბრისას განაცხადა.

,,გვითხრეს, რომ ირანში მკვლელობები წყდება, შეწყდა და სიკვდილით დასჯისთვის ან სიკვდილით დასჯებისთვის გეგმები არ არის. კარგმა წყარომ მითხრა ეს, ამას დავადგენთ. დარწმუნებული ვარ, ეს თუ მოხდება ძალიან იმედგაცრუებულები ვიქნებით, მათ შორის თქვენც ძალიან იმედგაცრუებულები იქნებით.

მაგრამ ამ წამს მომივიდა ეს ინფორმაცია, რომ მკვლელობები შეწყდა, რომ სიკვდილით დასჯები შეწყდა და სიკვდილით დასჯა არ ექნებათ, რაზეც ბევრი ადამიანი ლაპარაკობდა ბოლო რამდენიმე დღის განმავლობაში, რომ დღეს სიკვდილით დასჯის დღე უნდა ყოფილიყო,” - განაცხადა ტრამპმა.