აშშ-ის პრეზიდენტი დონალდ ტრამპი ვენესუელის მოქმედ პრეზიდენტს ესაუბრა, - ინფორმაციას The Guardian-ი ავრცელებს.

აშშ-ის პრეზიდენტის, დონალდ ტრამპის განცხადებით, ვენესუელის პრეზიდენტის მოვალეობის შემსრულებელთან, დელსი როდრიგესთან „შესანიშნავი საუბარი“ ჰქონდა.

„ჩვენ უზარმაზარი პროგრესი გვაქვს, ვენესუელას სტაბილიზაციასა და აღდგენაში ვეხმარებით. ბევრი საკითხი განვიხილეთ, მათ შორის ნავთობი, მინერალები, ვაჭრობა და, რა თქმა უნდა, ეროვნული უსაფრთხოება. ამერიკის შეერთებულ შტატებსა და ვენესუელას შორის პარტნიორობა ყველასთვის შესანიშნავი იქნება“, - დაწერა ტრამპმა Truth Social-ზე.

დელსი როდრიგესის ცნობით, დონალდ ტრამპთან „ხანგრძლივი და თავაზიანი სატელეფონო საუბარი გამართა“.

„ჩვენი ხალხისთვის სასარგებლო ორმხრივი სამუშაო დღის წესრიგი და ჩვენს მთავრობებს შორის არსებული მოსაგვარებელი საკითხები განვიხილეთ“, - დაწერა როდრიგესმა X-ზე.

ცნობისთვის, დღეს აშშ-ის პრეზიდენტი თეთრ სახლში ვენესუელის ოპოზიციის ლიდერს, მარია კორინა მაჩადოს შეხვდება.