ევროპის ქვეყნებს მოვუწოდებ, გრენლანდიასთან დაკავშირებით აშშ-ის მიერ გამოცხადებულ ტარიფებზე საპასუხო ზომებს ნუ მიიღებთ, - ამის შესახებ აშშ-ის ხაზინის მდივანმა, სკოტ ბესენტმა დავოსში პრესკონფერენციაზე განაცხადა.

„რასაც აქ ყველას მოვუწოდებ არის ის, რომ დამშვიდდით, ღრმად ჩაისუნთქეთ და მოვლენებს განვითარების საშუალება მიეცით. ის, რითიც პრეზიდენტი ტრამპი გრენლანდიის შესახებ იმუქრება, ძალიან განსხვავდება სხვა სავაჭრო შეთანხმებებისგან. ამიტომ, ქვეყნებს მოვუწოდებ, რომ თავიანთ სავაჭრო შეთანხმებებს მიჰყვნენ“, - განაცხადა აშშ-ის ხაზინის მდივანმა.

მისი თქმით, „ცრუ ნარატივია“, რომ თითქოს, ევროპა საპასუხო ზომის თვალსაზრისით აშშ-ის ხაზინის აქტივების გაყიდვას გეგმავს.

„ამის შესახებ ევროპული მთავრობები არ საუბრობენ. მედია ისტერიულად მოქმედებს“, - აღნიშნა ბესენტმა.