რამდენიმე კვირიანი ფიქრისა და ბევრ ქვეყანასთან კონსულტაციის შემდეგ, დღეს, ჩემს კოლეგებს ევროპულ საბჭოში მინდა მივაწოდო ინფორმაცია, რომ ესპანეთის მთავრობამ მიიღო გადაწყვეტილება, რომ არ მიიღოს მონაწილეობა ე.წ. მშვიდობის საბჭოში, - ამის შესახებ ესპანეთის პრემიერ-მინისტრმა პედრო სანჩესმა განაცხადა.

„ვაფასებთ მიწვევას, მაგრამ უარს ვამბობთ აშშ-ის ადმინისტრაციის მიერ შემოთავაზებულ შეხვედრაში მონაწილეობაზე“, - აღნიშნა სანჩესმა.

მისი განმარტებით, ესპანეთის მთავრობა ამას თანმიმდევრულად და გაერთიანებული ერების ორგანიზაციის სისტემასთან და საერთაშორისო სამართალთან მრავალმხრივი წესრიგისადმი ვალდებულებების შესაბამისად აკეთებს.

„ნათელია, რომ ეს საბჭო გაერთიანებული ერების ორგანიზაციის ჩარჩოებს სცილდება და, სხვათა შორის, არ მოიცავს პალესტინის ხელისუფლებას. არ დაგვავიწყდეს, რომ ღაზას და ასევე დასავლეთ სანაპიროს მომავალი, მთლიანად პალესტინის მომავალი პალესტინელებმა უნდა გადაწყვიტონ და ისრაელთან მათი მშვიდობიანი და უსაფრთხო თანაარსებობის მომავალი ასევე ისრაელმა და პალესტინამ უნდა გადაწყვიტონ დიალოგის პროცესში, რომელიც ახორციელებს ორი სახელმწიფოს გადაწყვეტას, იძლევა ჰუმანიტარული დახმარების შეღწევის საშუალებას და, რა თქმა უნდა, უზრუნველყოფს მშვიდობას“, - აღნიშნა ესპანეთის პრემიერმა.