აშშ-ის სახაზინო დეპარტამენტი - მშვიდობიანი დემონსტრანტების სასტიკი დარბევის გამო, აშშ ირანის „ჩრდილოვანი ფლოტის“ წინააღმდეგ სანქციებს აფართოებს
მშვიდობიანი დემონსტრანტების სასტიკი დარბევების გამო, აშშ ირანის „ჩრდილოვანი ფლოტის“ წინააღმდეგ სანქციებს აფართოებს, - ამის შესახებ განცხადებას აშშ-ის სახაზინო დეპარტამენტი ავრცელებს.
„დღეს, მშვიდობიანი დემონსტრანტების სასტიკი დარბევებისა და ირანელი ხალხის წინააღმდეგ ძალადობის დასამალად ინტერნეტზე წვდომის სრული გათიშვის ფონზე, აშშ-ის სახაზინო დეპარტამენტის უცხოური აქტივების კონტროლის ოფისი [OFAC] რეჟიმის „ჩრდილოვან ფლოტზე“ ზეწოლას ზრდის.
OFAC მიზანში იღებს „ჩრდილოვანი ფლოტის“ ცხრა გემს და მათ მფლობელებსა და სამენეჯმენტო ფირმებს, რომლებსაც კოლექტიურად გადააქვთ ასობით მილიონი დოლარის ღირებულების ირანული ნავთობი და ნავთობპროდუქტები უცხოურ ბაზრებზე“, - ნათქვამია განცხადებაში.
