ინდოეთის ჩრდილო-აღმოსავლეთ შტატ მეგჰალაიაში უკანონოდ მოქმედ ნახშირის მაღაროში აფეთქების შედეგად სულ მცირე 18 მაღაროელი დაიღუპა და ერთი მძიმედ დაშავდა, - ინფორმაციას BBC-ი ავრცელებს.

პოლიციის ცნობით, სამაშველო სამუშაოები გრძელდება და, სავარაუდოდ, რამდენიმე ადამიანი ჯერ კიდევ ნანგრევების ქვეშ იმყოფება.

შტატის პოლიციის უფროსმა ვიკაშ კუმარმა ჟურნალისტებს განუცხადა, რომ აფეთქება, სავარაუდოდ, დინამიტის გამოყენების გამო მოხდა. ამ მეთოდს ვიწრო გვირაბების გასახსნელად მიმართავენ და უკანონოა.

პოლიციას ჯერ არ დაუდგენია იმ პირების ვინაობა, რომლებიც უკანონო მაღაროს ფლობდნენ და მართავდნენ მაღაროს.

„პასუხისმგებელ პირებს მკაცრი სამართლებრივი ზომები დაეკისრებათ“, - განაცხადა მეგჰალაიას მთავარმა მინისტრმა კონრად სანგმამ.