იაპონიის საპარლამენტო არჩევნებში მმართველი „ლიბერალურ-დემოკრატიული პარტია“ ლიდერობს, - ინფორმაციას Reuters-ი იაპონიის საზოგადოებრივ მაწუყებელზე დაყრდნობით ავრცელებს.

იაპონიის საზოგადოებრივი მაუწყებლის NHK-ის ეგზიტპოლების თანახმად, ქვეყნის პრემიერ-მინისტრის, სანაე ტაკაიჩის „ლიბერალურ-დემოკრატიული პარტია“ ხმათა დიდი უმრავლესობით იმარჯვებს.

ეგზიტპოლების მიხედვით, იაპონიის ქვედა პალატაში პრემიერ-მინისტრის, სანაე ტაკაიჩის პარტია 328-მდე ადგილს მოიპოვებს, რაც 1996 წლის შემდეგ „ლიბერალურ-დემოკრატიული პარტიისთვის“ საუკეთესო შედეგი იქნება.

ამასთან, წინასწარი მონაცემებით, „ლიბერალურ-დემოკრატიული პარტია“ კოალიციურ პარტნიორთან, „იაპონიის ინოვაციების პარტიასთან“, ე.წ. „იშინისთან“ ერთად, ქვეყნის პარლამენტის 465 ადგილიან ქვედა პალატაში 366-მდე ადგილს მიიღებს.

იაპონიის პარლამენტის ქვედა პალატაში უმრავლესობის მოპოვებისთვის 233 მანდატია საჭირო.