„ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ კანონით დადგენილ სიებში ცვლილებები ხორციელდება
„ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ კანონით დადგენილ სიებში ცვლილებები ხორციელდება და კონტროლს დაქვემდებარებულ ნივთიერებათა ჩამონათვალს ახალი ნივთიერებები ემატება.
შესაბამისი ცვლილებები ჯანდაცვის სამინისტრომ მოამზადა და ის პარლამენტს განსახილველად მთავრობამ წარუდგინა.
პროექტის თანახმად, „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ კანონით დადგენილი ბრუნვისთვის მკაცრად შეზღუდული ნარკოტიკული საშუალებების ნუსხას 15 ახალი ნივთიერება ემატება, ფსიქოტროპული ნივთიერებების ნუსხას ემატება - ერთი, ხოლო პრეკურსორების სიას - 18 ნივთიერება. გარდა ამისა, უკანონო მფლობელობიდან ან ბრუნვიდან ამოღებული ნარკოტიკული საშუალებებისა და ფსიქოტროპული ნივთიერებების მცირე, დიდი და განსაკუთრებით დიდი ოდენობების ნუსხით გათვალისწინებულ ნარკოტიკულ საშუალებებს - 15, ხოლო ფსიქოტროპული ნივთიერებების ნუსხას - ერთი ახალი ნივთიერება დაემატება.
