აშშ-მა წყნარ ოკეანეში ნარკოტიკების გადამზიდ ნავს დაარტყა, დაიღუპა 2 ადამიანი, - ინფორმაციას The Guardian-ი აშშ-ის სამხრეთის სარდლობაზე დაყრდნობით ავრცელებს.

„ნავი წყნარი ოკეანის აღმოსავლეთ ნაწილში ნარკოტიკებით ვაჭრობის ცნობილი მარშრუტით გადაადგილდებოდა“, - აცხადებს აშშ-ის სამხრეთის სარდლობა.

აშშ-ის სანაპირო დაცვის ცნობით, ნავზე დარტყმის შემდეგ ერთი ადამიანი გადარჩა და მისი სამძებრო-სამაშველო ოპერაცია ეკვადორის საზღვაო-სამაშველო ცენტრთან კოორდინაციით მიმდინარეობს.