უკრაინის საკითხზე მოლაპარაკებების ახალი რაუნდის თარიღი ჯერჯერობით დადგენილი არ არის, - ამის შესახებ კრემლის პრესსპიკერმა, დიმიტრი პესკოვმა ბრიფინგზე განაცხადა.

„კონკრეტული თარიღი ჯერჯერობით უცნობია, თუმცა ჩვენ ველით, რომ ეს მალე მოხდება“, - განაცხადა პესკოვმა.

ცნობისთვის, რუსეთის, უკრაინისა და აშშ-ის დელეგაციებს შორის სამმხრივი შეხვედრების პირველი რაუნდი 23-24 იანვარს არაბთა გაერთიანებული საამიროების დედაქალაქ აბუ-დაბიში გაიმართა.

მხარეებს შორის მოლაპარაკებების მეორე რაუნდი აბუ-დაბიში 4-5 თებერვალს შედგა. შეხვედრაზე მიღწეული შეთანხმების შედეგად უკრაინამ და რუსეთმა 314 სამხედრო ტყვე გაცვალეს.