რუსებმა ოდესას, დნიპროსა და პავლოგრადს დაარტყეს, არიან დაშავებულები, - ინფორმაციას უკრაინული მედია ავრცელებს.

ოდესის საოლქო-სამხედრო ადმინისტრაციის ხელმძღვანელის, სერგეი ლისაკის ცნობით, რუსული ძალების დარტყმების შედეგად ერთი ადამიანი დაშავდა.

„მტერმა ოდესას კვლავ შეუტია. ერთ-ერთ რაიონში ინფრასტრუქტურა დაზიანდა. წინასწარი ინფორმაციით, ერთი ადამიანი დაშავდა“, - განაცხადა ლისაკმა.

ასევე, მედიის ინფორმაციით, რუსებმა დნიპროსა და პავლოგრადს ბალისტიკური რაკეტებით დაარტყეს, რის შედეგადაც 4 ადამიანი დაშავდა, მათ შორის ორი ბავშვია.