ჰელსინკის კომისიას უკვე ამერიკაში აღარ უსმენენ, მით უმეტეს, თორნტონი საჯაროდ აღიარებულია, რომ მისი ქვეყნის პრეზიდენტის მაგინებელი ადამიანია, რომელსაც საქართველო ეზიზღება - თავად თქვეს, გზებს ვეძებთ, რომ საქართველოში კანონმდებლობის გვერდის ავლით „შავი ფული“ შევიტანოთო - ეს ფული სჭირდებათ, რომ მოლოტოვის კოქტეილები იყიდონ, პოლიციელები დაწვან, პარლამენტში შევარდნენ, - ამის შესახებ „ხალხის ძალის“ დეპუტატმა, გურამ მაჭარაშვილმა ჰელსინკის კომისიის ბრიფინგის კომენტირებისას განაცხადა.

მისი თქმით, ჰელსინკის კომისიას „უკვე ამერიკაში აღარ უსმენენ“.

„ჰელსინკის კომისიას უკვე ამერიკაში აღარ უსმენენ, მით უმეტეს, თორნტონი საჯაროდ აღიარებულია, რომ მისი ქვეყნის პრეზიდენტის მაგინებელი ადამიანია, რომელსაც საქართველო ეზიზღება. ამ კომისიაზე ამ ადამიანს რომ მოუსმენენ, ნდობა ნულოვანია არა მხოლოდ საქართველოში, არამედ ამერიკაშიც კი. რაც შეეხება „ფასიან განცხადებებს“, რასაც თორნტონი აკეთებდა, ყველამ კარგად დაინახა, რომ მისივე განცხადება თავადვე უარყო. ამბობს, რომ საქართველოში ვითომ მკაცრ კანონებს იღებენ, თუმცა თავადვე აღნიშნავს იმას, გრანტების თაობაზე მსგავსი კანონების მიღება რატომ გვიწევს. გადაწყვეტილი აქვთ, რომ კანონმდებლობის გვერდის ავლით საქართველოში "შავი ფული" შემოიტანონ. შემდეგ უკვირს, ისეთ კანონებს რატომ ვიღებთ, ქართულ პოლიტიკაში "შავი ფული" რომ არ შემოვიდეს. ეს არის მისი ლოგიკა. დაბოღმილი ადამიანისგან განცხადებებს ვერ მოისმენ. თურმე, ამერიკას და ევროპას სჭირდებათ, რომ იქ უცხოური ძალა არ ჩაერიოს, საქართველოს კი, რატომღაც ეს არ სჭირდება. თავად თქვეს, გზებს ვეძებთ, რომ საქართველოში კანონმდებლობის გვერდის ავლით „შავი ფული" შევიტანოთო. ეს ფული სჭირდებათ, რომ მოლოტოვის კოქტეილები იყიდონ, პოლიციელები დაწვან, პარლამენტში შევარდნენ. კომისიაზე თქვა, ამისთვის საქართველოში „შავ ფულს" შევიტანთო, სადაც შემდეგ აპროტესტებდა, რომ „შავი ფულის“ შემოტანის კანონმდებლობას რატომ იღებენ და საშუალებას არ გვაძლევენ, „შავი ფული“ შევიტანოთო. ძალიან წუხს, რომ USAID-ი თავზე ჩამოენგრა. მხოლოდ ეს ორგანიზაცია კი არ ჩამოინგრევა, ყველა ინსტიტუტი ჩამოინგრევა სიმართლის პრინციპიდან გამომდინარე“, - განაცხადა მაჭარაშვილმა.