თუ ახალგაზრდები სახელმწიფო უნივერსიტეტში ან უნივერსიტეტში ვერ მოხვდებიან, ჩვენ ავტომატურად ვთავაზობთ მათ, რომ მათი არჩეული პროფილის მიხედვით უსასყიდლოდ, სახელმწიფოს დაფინანსებით გააგრძელონ სასწავლო პროცესი პროფესიულ სასწავლებლებში, - ამის შესახებ განათლების მინისტრმა, გივი მიქანაძემ განაცხადა.

მან განმარტა, სტუდენტს, რომელიც უნივერსიტეტში ვერ მოხვდება, რა შემთხვევაში შეეძლება მის მიერ არჩეული პროფილის მიხედვით, პროფესიულ სასწავლებელში უსასყიდლოდ სწავლის გაგრძელება.

„მინდა დაგარწმუნოთ, რომ თუკი მოკლე პერიოდში მოთხოვნილება რამეზე იქნება, კონკრეტულ პროფესიებზე, ამის გადამზღვევი ერთ-ერთი ფაქტორია პროფესიული მიმართულება, რომელსაც აქვს შედარებით მოკლევადიანი კურსები, რომელსაც შეუძლია დააკომპენსიროს. ჩვენ, აქ, ახალგაზრდებს ვთავაზობთ, რომ ის ანკეტები, რომელიც ძალიან მალე დამტკიცდება და გადაეცემათ სხვადასხვა უნივერსიტეტების და ფაკულტეტების ასარჩევად 2026-2027 წლებს ეროვნული გამოცდების კონტექსტში ჩასაბარებლად, იქ, გარდა იმისა, რომ უნივერსიტეტები იქნება, მათ შესთავაზებენ, რომ სამი პროფესიული მიმართულებაც აირჩიონ და იმ შემთხვევაში, თუ ეს ახალგაზრდები სახელმწიფო უნივერსიტეტში ან უნივერსიტეტში ვერ მოხვდებიან, ჩვენ ავტომატურად ვთავაზობთ მათ, რომ მათი არჩეული პროფილის მიხედვით უსასყიდლოდ, სახელმწიფოს დაფინანსებით გააგრძელონ სასწავლო პროცესი პროფესიულ სასწავლებლებში“, - განაცხადა მიქანაძემ.