უკრაინამ საზღვრიდან 1750 კილომეტრზე მდებარე რუსული ნავთობგადამამუშავებელი ქარხანა დაბომბა. ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

“12 თებერვალს, რუსი აგრესორის სამხედრო-ეკონომიკური პოტენციალის შემცირების სისტემატიური ზომების ნაწილად უკრაინის უსაფრთხოების სამსახურმა და ჩვენი სახელმწიფოს თავდაცვის ძალების სხვა კომპონენტებმა უხტის ნავთობგადამამუშავებელი ქარხანა დაბომბეს (ქ. უხტა, კომის რესპუბლიკა, რუსეთი).

უკრაინის სახელმწიფო საზღვრიდან დისტანცია 1,750 კილომეტრია… ქარხანა რუსეთის საოკუპაციო არმიისთვის მიწოდებებშია ჩართული. მიყენებული ზიანის მასშტაბი დგინდება”, - ნათქვამია განცხადებაში.