დონალდ ტრამპის განცხადებით, ირანში რეჟიმის ცვლილება „საუკეთესო რამ იქნებოდა“.

კითხვაზე, სურს თუ არა ირანში რეჟიმის ცვლილება, აშშ-ის პრეზიდენტმა, დონალდ ტრამპმა უპასუხა, რომ „ეს საუკეთესო რამ იქნებოდა, რაც შეიძლება მოხდეს“.

„კარგი იქნებოდა, თუ ერთხელ და სამუდამოდ ამ საკითხს მოვაგვარებდით. იქ ძალიან დიდი ძალა ჩავიდა, დამატებით კიდევ ერთი ავიამზიდი მალე გაემგზავრება“, - აღნიშნა აშშ-ის პრეზიდენტმა.

ასევე, კითხვაზე, ვის ისურვებდა ირანის მმართველად, ტრამპმა უპასუხა, რომ „არიან ადამიანები“.

Reuters-ის ინფორმაციით, დონალდ ტრამპის მიერ ბრძანების გაცემის შემთხვევაში აშშ-ის შეიარაღებული ძალები ირანის წინააღმდეგ რამდენიმეკვირიანი ოპერაციისთვის ემზადებიან.

თეთრი სახლის პრესსპიკერის მოადგილემ, ანა კელიმ აღნიშნული ინფორმაციის შესახებ გამოცემას განუცხადა, რომ „პრეზიდენტი ტრამპი ირანთან დაკავშირებით ყველა ვარიანტს განიხილავს“.