პარლამენტისკენ საპროტესტო მსვლელობა მიმდინარეობს
რუსთაველის გამზირისკენ მსვლელობით რამდენიმე საპროტესტო მარშის მონაწილეები მიემართებიან.
თავდაპირველად, აქციის მონაწილეების ნაწილი ირანელი ხალხის მხარდასაჭერად ირანის საელჩოსთან შეიკრიბა, საიდანაც ისინი მსვლელობით ილიას სახელმწიფო უნივერსიტეტთან მივიდნენ და იქ შეკრებილებს შეუერთდნენ. უნივერსიტეტთან მყოფები განათლების სისტემაში დაგეგმილ რეფორმებს აპროტესტებენ. მოგვიანებით, ისინი მსვლელობით ფილარმონიასთან მივიდნენ, საიდანაც ტრადიციული, „შაბათის მარშის“ მონაწილეებთან ერთად პარლამენტისკენ დაიძრნენ.
სამივე მარშის მონაწილეები საკანონმდებლო ორგანოსთან მივლენ და აქ შეკრებილ მოქალაქეებს შეუერთდებიან. საპროტესტო აქცია სწორედ პარლამენტთან დასრულდება.
