ადვოკატთა ასოციაციის თავმჯდომარესა და პრემიერ-მინისტრს შორის შეხვედრა გაიმართა
საქართველოს ადვოკატთა ასოციაციის თავმჯდომარე ირაკლი ყანდაშვილი საქართველოს პრემიერ-მინისტრს ირაკლი კობახიძეს შეხვდა.
ადვოკატთა ასოციაციის ინფორმაციით, პრემიერ-მინისტრმა ირაკლი ყანდაშვილს თანამდებობაზე არჩევა მიულოცა და მომავალ საქმიანობაში წარმატება უსურვა.
„მთავრობის ადმინისტრაციაში გამართულ შეხვედრაზე ადვოკატთა ასოციაციის თავმჯდომარემ პრემიერ-მინისტრს ასოციაციის სამომავლო გეგმები და საქმიანობის პრიორიტეტები გააცნო“, - აღნიშნულია ინფორმაციაში.
შეხვედრას მთავრობის ადმინისტრაციის უფროსი ლევან ჟორჟოლიანი დაესწრო.
