კირ სტარმერი დონალდ ტრამპს ესაუბრა
კირ სტარმერი დონალდ ტრამპს ესაუბრა, - ინფორმაციას დიდი ბრიტანეთის მთავრობა ავრცელებს.
დიდი ბრიტანეთის მთავრობის განცხადებით, პრემიერ-მინისტრმა კირ სტარმერმა და აშშ-ის პრეზიდენტმა დონალდ ტრამპმა უკრაინის, ღაზას სექტორისა და ირანის საკითხები განიხილეს.
„პრემიერ-მინისტრმა კიდევ ერთხელ დაგმო პუტინის ბარბაროსული თავდასხმები უდანაშაულო მოქალაქეებზე და ლიდერებმა სამართლიანი და ხანგრძლივი მშვიდობის მისაღწევად მიმდინარე მოლაპარაკებები განიხილეს“, - ნათქვამია განცხადებაში.
ასევე, კირ სტარმერმა და დონალდ ტრამპმა ახლო აღმოსავლეთში არსებული ვითარება განიხილეს.
„პრემიერ-მინისტრმა ღაზას სექტორისთვის ჰუმანიტარული დახმარების მიწოდების აუცილებლობაზე ისაუბრა. ასევე, ლიდერებმა აშშ-სა და ირანს შორის ჟენევაში ირანის ბირთვული პროგრამის შესახებ მიმდინარე მოლაპარაკებები განიხილეს“, - აღნიშნულია დიდი ბრიტანეთის მთავრობის განცხადებაში.
