მივესალმები უკრაინის მიერ დიქტატორ ლუკაშენკოს წინააღმდეგ, რუსეთის ომში მისი პირდაპირი როლის გამო, დაწესებულ გადამწყვეტ სანქციებს, - ამის შესახებ ბელარუსის ოპოზიციის ლიდერი სვეტლანა ტიხანოვსკაია სოციალურ ქსელში წერს.

მისი თქმით, ლუკაშენკო უზურპატორი და ომის დამნაშავეა.

„ის არის უკანონო უზურპატორი და ომის დამნაშავე, რომელმაც ჩვენი ქვეყანა აგრესიის სამხედრო ბაზად აქცია. თავისუფალი ბელარუსი არასდროს დაემუქრება უკრაინას ან ევროპას“, - წერს ტიხანოვსკაია.

შეგახსენებთ, უკრაინამ ალექსანდრე ლუკაშენკოს სანქციები დღეს დაუწესა.