შვეიცარიაში მოლაპარაკებების ძირითადი რაუნდის შემდეგ უკრაინამ და რუსეთმა ცალკე შეხვედრა გამართეს. ამის შესახებ ინფორმაციას უკრაინული მედია უშიშროებისა და თავდაცვის საბჭოს თავმჯდომარის პრესმდივანზე, დიანა დავითიანზე დაყრდნობით ავრცელებს.

მათი თქმით, უკრაინასა და რუსეთს შორის შეხვედრაზე წარმოდგენილი იყვნენ დელეგაციების მეთაურები - რუსტემ უმეროვი (უკრაინა) და ვლადიმირ მედინსკი (რუსეთი). შეხვედრას ასევე ესწრებოდა დავით არახამია (უკრაინა).

აღინიშნება, რომ რუსულ მედიასთან საუბარში მედინსკიმ დაადასტურა, რომ უკრაინულ დელეგაციას ხვდებოდა.

უკრაინული მედიის ცნობით, შეხვედრა საათ-ნახევარი გრძელდებოდა, ხოლო მოლაპარაკებების თემა უცნობია.