სადაზღვევო კომპანია „ირაო’’, რომელიც საქართველოში წლებია სტაბილურობისა და მაღალი ხარისხის მომსახურების სიმბოლოა, გაფართოების ახალ ეტაპზე გადავიდა. კომპანიამ, სტრატეგიული გეგმის ფარგლებში, არსებულ ფართო ქსელს ახალი ფილიალები გორსა და რუსთავში შემატა, რაც ადგილობრივი მოსახლეობისა და ბიზნესსექტორისთვის მნიშვნელოვან სიახლეს წარმოადგენს. ამ ნაბიჯით „ირაო’’ რეგიონებში ხელმისაწვდომობას კიდევ უფრო ზრდის და მომხმარებლებს ადგილზე, სწრაფი და პერსონალიზებული მომსახურების მიღების შესაძლებლობას აძლევს.

მომსახურების ხელმისაწვდომობა ქვეყნის მასშტაბით

გორი და რუსთავი იმ ქალაქების ჩამონათვალს შეუერთდა, სადაც „ირაოს’’ მომსახურების ცენტრები უკვე წლებია წარმატებით ფუნქციონირებს. კომპანია, რომელიც წარმოდგენილია ბათუმში, ქუთაისში, ახალციხეში, თელავსა და ზუგდიდში, თანმიმდევრულად აგრძელებს სერვისების დეცენტრალიზაციას.

ახალი სივრცეები შექმნილია თანამედროვე სტანდარტების შესაბამისად - აქ მომხმარებლებს დახვდებათ კომფორტული გარემო და კვალიფიციური კონსულტანტები, რომლებიც მზად არიან, თითოეულ კლიენტს ინდივიდუალურ საჭიროებებზე მორგებული პაკეტები შესთავაზონ და რისკების სწორად მართვაში დაეხმარონ.

„ჩვენთვის მომსახურების ახალი ცენტრების გახსნა მხოლოდ გეოგრაფიულ გაფართოებას არ ნიშნავს. ეს არის პასუხისმგებლობა, ვიყოთ უფრო ახლოს ჩვენს მომხმარებელთან. გორი და რუსთავი მაღალი ბიზნესაქტივობით გამოირჩევა, ამიტომ, ჩვენი მიზანია, ადგილობრივ მოსახლეობასა და მეწარმეებს სტაბილურობის განცდა და ფინანსური უსაფრთხოების მყარი საფუძველი შევუქმნათ’’, - აცხადებენ კომპანიაში.

რა სერვისებს მიიღებენ მომხმარებლები ახალ ფილიალებში?

ახალ ფილიალებში მომხმარებლებს „ირაოს’’ ძირითადი სადაზღვევო სერვისების სრული სპექტრი დახვდებათ, რაც მათ საშუალებას მისცემს, სრულყოფილი სადაზღვევო მხარდაჭერა ერთ სივრცეში მიიღონ:

ჯანმრთელობის დაზღვევა: კომპანიის ერთ-ერთი ყველაზე მოთხოვნადი პროდუქტი, რომელიც მოიცავს როგორც ამბულატორიულ, ისე სტაციონარულ მომსახურებას, მედიკამენტებსა და სტომატოლოგიურ სერვისებს. „ირაოს’’ ჯანმრთელობის დაზღვევა ორიენტირებულია სწრაფ მომსახურებასა და მაღალი ხარისხის სამედიცინო სერვისების დაფინანსებაზე.

ავტოდაზღვევა: ავტომობილის მფლობელებს კომპანია სთავაზობს მოქნილ პირობებს, რაც ითვალისწინებს სრულ ფინანსურ მხარდაჭერას ავტოსაგზაო შემთხვევის, ქურდობის, ძარცვისა თუ ვანდალიზმის დროს. რუსთავის სპეციფიკიდან გამომდინარე, სადაც ავტოინდუსტრია ეკონომიკის მთავარი მამოძრავებელია, ეს მომსახურება ინდივიდუალურ მნიშვნელობასა და დატვირთვას იძენს.

სახლის დაზღვევა: უძრავი ქონების დაცვა დღეს იმაზე აქტუალურია, ვიდრე ოდესმე. დაზღვევა ფარავს არა მხოლოდ შენობის კონსტრუქციულ ნაწილს, არამედ მასში არსებულ ძვირადღირებულ ნივთებსაც ისეთი შემთხვევებისას, როგორიცაა ხანძარი, წყლის გაჟონვა, სტიქიური მოვლენები თუ სხვ.

სამოგზაურო დაზღვევა: საიმედოობის გარანტია მათთვის, ვინც ქვეყანას ხშირად ტოვებს. პოლისი ფარავს მოულოდნელ სამედიცინო ხარჯებს და ითვალისწინებს კომპენსაციას ბარგის დაკარგვის ან დაგვიანების შემთხვევაში.

ციფრული ტრანსფორმაცია და პერსონალური ინტერაქცია

მიუხედავად იმისა, რომ „ირაო’’ დიდ რესურსს დებს სერვისების გაციფრულებაში, ფიზიკური წარმომადგენლობების რაოდენობის ზრდა კომპანიისთვის კვლავ პრიორიტეტად რჩება. რუსთავისა და გორის მომსახურების ცენტრები, სხვა რეგიონული ფილიალების მსგავსად, სწორედ ისეთი სივრცეებია, სადაც ნდობა და უშუალო კომუნიკაცია წინა პლანზეა.

ხშირად, სადაზღვევო ხელშეკრულების გაფორმებისას, მომხმარებელს ესაჭიროება სპეციფიკური დეტალების დაზუსტება, რაც ცოცხალი ინტერაქციის რეჟიმში ბევრად უფრო ეფექტურია. გარდა ამისა, ამ ორ ქალაქში ფილიალების ამოქმედება მნიშვნელოვანი ნაბიჯია ადგილობრივი ბაზრის გაძლიერებისთვისაც, რადგან ეს გულისხმობს დამატებით სამუშაო ადგილებსა და ახალი კადრების გადამზადებას.

ვენის სადაზღვევო ჯგუფი (VIG) - საერთაშორისო გარანტია და ევროპული სტანდარტები

„ირაოს’’ მიმართ ნდობასა და მის უცვლელ ხარისხს უპირველესად მისი მყარი საერთაშორისო პლატფორმა განაპირობებს. კომპანია ვენის სადაზღვევო ჯგუფის (Vienna Insurance Group - VIG) წევრია, რომელიც ცენტრალურ და აღმოსავლეთ ევროპაში სადაზღვევო სფეროს უპირობო ლიდერია. სწორედ VIG-ის მრავალწლიანი გლობალური გამოცდილება და ფინანსური სტაბილურობაა იმ ხარისხის საფუძველი, რომელსაც „ირაო’’ მომხმარებელს ქართულ ბაზარზე სთავაზობს.

ვენის სადაზღვევო ჯგუფი 30 ქვეყანაში გადანაწილებულ 50-ზე მეტ კომპანიას აერთიანებს, სადაც 30,000-ზე მეტი პროფესიონალი 33 მილიონი კლიენტის უსაფრთხოებაზე ზრუნავს. ეს გლობალური ქსელი „ირაოს’’ საშუალებას აძლევს, ქართულ რეალობაშიც ისეთივე მაღალი სტანდარტები დანერგოს, როგორიც ავსტრიაში, გერმანიაში, ჩეხეთსა თუ პოლონეთშია აპრობირებული - ადგილობრივი მომხმარებლისთვის ეს არის უპირობო გარანტია, რომ მის უკან მრავალმილიარდიანი ევროპული კაპიტალი და უალტერნატივო სტაბილურობა დგას.

(R)