ირანში ბრიტანელ წყვილს ჯაშუშობის ბრალდებით 10 წლით თავისუფლების აღკვეთა მიუსაჯეს, - ინფორმაციას Sky News-ი ავრცელებს.

გამოცემის ცნობით, დიდი ბრიტანეთის მოქალაქეები ლინდსი და კრეიგ ფორმანები მსოფლიოს გარშემო მოტოციკლით მოგზაურობდნენ, როდესაც გასულ თვეში ირანში დააკავეს.

გაერთიანებული სამეფოს საგარეო საქმეთა მინისტრმა ივეტ კუპერმა ბრიტანელი წყვილისთვის გამოტანილი განაჩენი დაგმო.

„ამ საქმესთან დაკავშირებით ირანის ხელისუფლებასთან დაუღალავად ვიმუშავებთ იქამდე, ვიდრე კრეიგი და ლინდსი დიდ ბრიტანეთში თავიანთ ოჯახებს არ დაუბრუნდებიან“, - აღნიშნა კუპერმა.