რუსეთის უდმურტეთის რესპუბლიკაში რაკეტების კომპონენტების მწარმოებელ ქარხანაზე დრონებით თავდასხმა განხორციელდა, - ინფორმაციას­ უკრაინული მედია რუსულ „ტელეგრამ“ არხებზე დაყრდნობით ავრცელებს.

რუსული „ტელეგრამ“ არხების ცნობით, უდმურტეთის რესპუბლიკაში მდებარე „ვოტკინსკის ქარხანა“ „ისკანდერისა“ და „ორეშნიკის“ რაკეტების კომპონენტებს აწარმოებს.

თავდასხმის შესახებ ინფორმაცია უდმურტეთის გუბერნატორმა, ალექსანდრე ბრეჩალოვმაც დაადასტურა და აღნიშნა, რომ დრონებით თავდასხმის შედეგად 11 ადამიანი დაშავდა.

„რესპუბლიკაში მდებარე ერთ-ერთ ობიექტზე კიევის რეჟიმის დრონების თავდასხმა განხორციელდა“, - განაცხადა გუბერნატორმა.