რუსეთის საოკუპაციო ძალებმა დრონებისა და რაკეტების გამოყენებით კიევზე მასშტაბური შეტევა განახორციელეს, რის შედეგადაც ქალი და ბავშვი დაშავდნენ, - ინფორმაციას უკრაინული მედია ავრცელებს.

„ორი დაშავებული, ქალი და ბავშვი, დედაქალაქის გარეუბნიდან კიევის საავადმყოფოში მოათავსეს“, - განაცხადა კიევის მერმა ვიტალი კლიჩკომ.

წინასწარი ინფორმაციით, განადგურებული დრონების ნამსხვრევები კერძო საცხოვრებელ უბანში ჩამოვარდა.

მანამდე ცნობილი გახდა, რომ რუსეთის ტერიტორიაზე MiG-31K ტიპის მოიერიშე თვითმფრინავის აფრენის გამო, მთელ უკრაინაში საჰაერო განგაში გამოცხადდა.