უკრაინის მომავალი ევროკავშირშია, - ასე ეხმაურება ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი რუსეთ-უკრაინის ომის მეოთხე წლისთავს.

„ჩვენი მხარდაჭერით უკრაინელები წინააღმდეგობის გაწევას აგრძელებენ და მტკიცედ დგანან. ომის დასრულების ყველაზე სწრაფი გზა რუსეთზე მეტი ზეწოლა და უკრაინისთვის მეტი მხარდაჭერაა. დაე, ეს ომის ბოლო წლისთავი იყოს, რომელსაც აღვნიშნავთ“, - წერს კალასი სოციალურ ქსელში.

შეგახსენებთ, რუსეთ-უკრაინის ომის დაწყებიდან ოთხი წელი გავიდა - რუსეთმა უკრაინაში სრულმასშტაბიანი შეჭრა 2022 წლის 24 თებერვალს დაიწყო.