დანიის, ესტონეთის, ფინეთის, ისლანდიის, ლატვიის, ლიეტუვის, ნორვეგიისა და შვედეთის ლიდერები, უკრაინაში რუსეთის სრულმასშტაბიანი შეჭრის მეოთხე წლისთავზე, კიევში ჩავიდნენ, - ინფორმაციას უკრაინული მედია ავრცელებს.

პარტნიორი ქვეყნების ლიდერებს კიევის რკინიგზის სადგურზე უკრაინის საგარეო საქმეთა მინისტრი ანდრეი სიბიგა დახვდა.

„მადლობას გიხდით უკრაინისა და ჩვენი საერთო ევროპული ღირებულებებისა და პრინციპებისადმი მტკიცე და ურყევი მხარდაჭერისთვის“, - წერს სიბიგა სოციალურ ქსელში.

შეგახსენებთ, კიევში ასევე ჩავიდნენ ევროკომისიის პრეზიდენტი ურსულა ფონ დერ ლაიენი და ევროპული საბჭოს პრეზიდენტი ანტონიო კოშტა.