ბათუმის კლინიკა „მედინას“ სანიტარი, რომელმაც საპირფარეშოში იმშობიარა, რის შემდეგაც ახალშობილს დაზიანებები მიაყენა, პოლიციამ დააკავა.

ქალი პოლიციის განყოფილებაში არის გადაყვანილი.

როგორც საქართველოს შინაგან საქმეთა სამინისტროში “ინტერპრესნიუსთან” საუბრისას აცხადებენ, გამოძიება “სისხლის სამართლის კოდექსის” 11.პრიმა 19.109 მუხლით მიმდინარეობს, რაც ოჯახში ახალშობილი წევრის მიმართა განზრახ მკვლელობის მცდელობა გულისხმობს.

ასევე, ცნობილი ხდება, რომ დედას დღეს ბათუმის სასამართლომ აღკვეთის ღონისძიების სახით პატიმრობა უკვე შეუფარდა, პროცესი ქალის დაუსწრებლად გაიმართა, რომელსაც მოსამართლე ვიქტორ მეტრეველი ხელმძღვანელობდა. საქმეზე წინასასამართლო სხდომა 21 აპრილს 13:30 წუთზე ჩაინიშნა.

ბათუმის კლინიკა “მედინაში" კლინიკის სანიტარმა კვირას გამთენიისას საპირფარეშოში იმშობიარა, რის შემდეგაც ახალშობილს ყელის არეში დაზიანებები მიაყენა. ახალშობილის ჯანმრთელობის მდგომარეობა მძიმეა.