პროდუქციის მიწოდებისას უმრავლეს ქსელს აქვს პირობა, რომ თუ პროდუქციას დარჩენილი აქვს შენახვის ვადა 50%-ზე ნაკლები, ვერ შევიტანთ ამ პროდუქციას, - ამის შესახებ პარლამენტში ფასების შემსწავლელი კომისიის სხდომაზე სადისტრიბუციო კომპანიების მოსმენისას შპს „დაფნას“ წარმომადგენელმა, ლევან პაპიაშვილმა განაცხადა.

გარდა ამისა, მან ე.წ. ქეშბექზეც ისაუბრა.

„პირველი საკითხი ვფიქრობ, რომ არის ე.წ. ქეშბექის საკითხი. სადისტრიბუციო კომპანიები ვალდებული ვართ, ჩვენ მიწოდებულ თუ „რითეილის“ მიერ გაყიდულ (დამოკიდებულია ხელშეკრულების პირობებზე) პროდუქციაზე ეს „ქეშბექი“ დავუბრუნოთ „რითეილს“. ე.წ. ქეშბექი იწყება 20%-დან და აღწევს 50%-ს გარკვეულ სეგმენტზე. პირველადი მოხმარების პროდუქტებზე შედარებით დაბალია ეს გადასახადი, ხოლო რიგ პროდუქტებზე მაგალითად, შოკოლადის ნაწარმსა და სხვა პროდუქტზე 50%-ზეც არის“,- აღნიშნავს ლევან პაპიაშვილი.