წინანდალში საქართველო-აზერბაიჯანი-თურქეთის ბიზნეს ფორუმი გაიმართა. აღნიშნულთან დაკავშირებით ინფორმაციას საქართველოს სავაჭრო-სამრეწველო პალატა ავრცელებს.

მათი ცნობით, შეხვედრა. 26 თებერვალს ჩატარდა.

„ღონისძიება საქართველოს ეკონომიკისა და მდგრადი განვითარების სამინისტროსა და საქართველოს სავაჭრო-სამრეწველო პალატის ორგანიზებით გაიმართა. აღნიშნული ფორმატი 2012 წლიდან არსებობს და წელს რიგით მეშვიდედ გაიმართა.

ღონისძიება ჩატარდა თურქეთის ვაჭრობის მინისტრ ომერ ბოლატისა და აზერბაიჯანის ეკონომიკის მინისტრ მიქაილ ჯაბაროვის ოფიციალური ვიზიტის ფარგლებში.

ამასთან, ფორუმში მონაწილეობა მიიღო 400-მდე დელეგატმა 300-მდე მსხვილი კომპანიიდან, მათ შორის 100-ზე მეტი იყო უცხოური ბიზნესი. ღონისძიების მეორე ნაწილი დაეთმო B2B შეხვედრებს, სადაც კერძო სექტორის წარმომდგენლებს ჰქონდათ შესაძლებლობა, დაემყარებინათ კავშირები და განეხილათ სამომავლო პარტნიორობის შესაძლებლობები.

ღონისძიების მხარდამჭერები იყვნენ AZPROMO (აზერბაიჯანის ექსპორტისა და ინვესტიციების სააგენტო) და DEİK (თურქეთის საგარეო ეკონომიკური ურთიერთობების საბჭო)”, - ნათქვამია ინფორმაციაში.