აშშ-ის პრეზიდენტი დონალდ ტრამპი ახლო აღმოსავლეთის ქვეყნების ლიდერებს ტელეფონით ესაუბრა. ამის შესახებ თეთრი სახლის პრესმდივანმა განაცხადა.

„დღეს, პრეზიდენტი ტრამპი ისრაელის, ბაჰრეინისა და არაბთა გაერთიანებული საამიროების ლიდერებს ესაუბრა“, - დაწერა კეროლაინ ლევიტმა X-ზე.

ლევიტი იმავე განცხადებაში საუბრობს ტეხასში მომხდარ სროლაზე. მისი თქმით, აღნიშნულის შესახებ ინფორმაცია მიაწოდეს პრეზიდენტს. თეთრი სახლის ცნობით, FBI იძიებს ტეხასში მომხდარი სროლის „ტერორიზმთან პოტენციურ კავშირს“, რომლის შედეგადაც სულ მცირე სამი ადამიანი დაიღუპა, მათ შორისაა სავარაუდო თავდამსხმელი, ხოლო დაშავდა - 14 ადამიანი.

მედიის თანახმად, ტრამპი პარასკევის შედეგ ფლორიდის შტატის ქალაქ პალმ ბიჩში, მარ-ა-ლაგოს რეზიდენციაშია, თუმცა დღეს თეთრ სახლში დაბრუნებას გეგმავს.