შინაგან საქმეთა სამინისტრო ნარკოდანაშაულთან უკომპრომისო ბრძოლას აგრძელებს - პასუხისგებაში მივეცით არაერთი პირი, რომელიც ნარკოდანაშაულში სხვადასხვა ფორმით იყო ჩართული, მათ შორის ნარკოტიკების გავრცელებაში, - ამის შესახებ შინაგან საქმეთა მინისტრის მოადგილემ ალექსანდრე დარახველიძემ ჟურნალისტებთან განაცხადა.

მისი თქმით, სამინისტრო ნარკოპოლიტიკის მიმართულებით ეფექტურ ბრძოლას მომავალშიც გააგრძელებს და ყველა იმ პირს, ვინც გადაწყვეტს, რომ ჩართული იყოს ნარკოდანაშაულში, მოუწევს კანონის წინაშე უმკაცრესად აგოს პასუხი.

„შინაგან საქმეთა სამინისტრო ნარკოდანაშაულთან უკომპრომისო ბრძოლას აგრძელებს. საზოგადოება ყოველ დღე არაერთ ფაქტს ხედავს, როცა გამოვლენა ხდება ნარკოტიკების გავრცელების. არაერთი პირი პასუხისგებაში მივეცით, რომლებიც ნარკოდანაშაულში სხვადასხვა ფორმით იყვნენ ჩართულნი, მათ შორის ნარკოტიკების გავრცელებაში. სამინისტრო ეფექტურ ბრძოლას მომავალშიც გააგრძელებს და ყველა ის პირი, ვინც გადაწყვეტს, რომ ჩართული იყოს ნარკოდანაშაულში, მას მოუწევს, კანონის წინაშე უმკაცრესად აგოს პასუხი”, - განაცხადა დარახველიძემ.