რუსეთ-უკრაინა ჩემი პრიორიტეტების სიაში ძალიან მაღალ ადგილზეა, - ამის შესახებ აშშ-ის პრეზიდენტმა, დონალდ ტრამპმა თეთრ სახლში, გერმანიის კანცლერთან, ფრიდრიხ მერცთან შეხვედრაზე განაცხადა.

„ვფიქრობდით, რომ ამის მოგვარება ყველაზე მარტივი იქნებოდა. მე რვა ომი დავასრულე. რვა ძალიან დიდი, ძალიან მნიშვნელოვანი ომი“, - განაცხადა ტრამპმა.

მისი თქმით, რუსეთისა და უკრაინის პრეზიდენტებს, ვლადიმერ პუტინსა და ვოლოდიმირ ზელენსკის ერთმანეთი ძალიან სძულთ.

„მათ შორის ძალიან დიდი სიძულვილია. მე ხან ერთს ვადანაშაულებ, ხან მეორეს. მაგრამ, მჯერა, რომ მშვიდობის მიღწევა მოხდება“, - აღნიშნა აშშ-ის პრეზიდენტმა.