Axios - მარკო რუბიომ არაბული ქვეყნების საგარეო საქმეთა მინისტრებს განუცხადა, რომ ირანთან კონფლიქტი რამდენიმე კვირის განმავლობაში გაგრძელდება
აშშ-ის სახელმწიფო მდივანმა მარკო რუბიომ არაბული ქვეყნების საგარეო საქმეთა მინისტრებს განუცხადა, რომ ირანთან კონფლიქტი რამდენიმე კვირის განმავლობაში გაგრძელდება, - ინფორმაციას გამოცემა Axios-ი წყაროზე დაყრდნობით ავრცელებს.
Axios-ის ცნობით, მარკო რუბიომ არაბ მინისტრებს სატელეფონო საუბარში განუცხადა, რომ აშშ დარტყმებისას მთავარ აქცენტს ირანის სარაკეტო სისტემებზე, იარაღის მარაგებსა და საწარმოო ობიექტებზე აკეთებს.
ასევე, მარკო რუბიომ სატელეფონო საუბარში აღნიშნა, რომ აშშ-ის მიზანი ირანში რეჟიმის ცვლილება არ არის.
გამოცემის წყაროს ინფორმაციით, აშშ-ის სახელმწიფო მდივანმა არაბ კოლეგებს განუცხადა, რომ ირანის ამჟამინდელ რეჟიმთან მოლაპარაკებები არ მიმდინარეობს, რადგან ეს სამხედრო მიზნების მიღწევას ხელს შეუშლის.
