აშშ-ს პრეზიდენტი დონალდ ტრამპი აცხადებს, რომ აშშ-მა გაანადგურა 10 დამნაღმველი გემი და დასძენს, რომ კიდევ ბევრი რამის გაკეთებაა მოსალოდნელი.

"მოხარული ვარ გაცნობოთ, რომ ბოლო რამდენიმე საათის განმავლობაში ჩვენ დავაზიანეთ და მთლიანად გავანადგურეთ 10 არააქტიური დამნაღმველი გემი, კიდევ ბევრი რამ იქნება მოსალოდნელი!“, - წერს ის.

ტრამპმა მანამდე გამოქვეყნებულ პოსტში განაცხადა, რომ აშშ-ს არ მიუღია რაიმე ინფორმაცია ირანის მიერ ჰორმუზის სრუტეში ნაღმების განთავსების შესახებ და დაემუქრა თეირანს, თუ ის მსგავს ქმედებებს განახორციელებდა. კერძოდ, ტრამპი აღნიშნავდა, რომ ირანისთვის სამხედრო პასუხი აქამდე არნახული იქნებოდა.

ცნობითვის, CNN-მა განაცხადა, რომ ირანმა დაიწყო ჰორმუზის სრუტის დანაღმვა. გამოცემა წყაროებზე დაყრდნობით წერს, რომ პროცესი არ არის მასშტაბური და ბოლო დღეებში რამდენიმე ათეული განთავსდა.

ასევე, CBS-მა დაწერა, რომ აშშ-ის დაზვერვის წარმომადგენლები ვარაუდობენ, რომ ირანი ჰორმუზის სრუტეში საზღვაო ნაღმების განლაგებისთვის ემზადება. CBS-ის მიერ მოპოვებული ინფორმაციის თანახმად, ირანი მცირე ზომის ხომალდებს იყენებს.