სიონის ტაძრის დეკანოზი - უწმინდესობამ მოღვაწეობა, როგორც საქართველოს კათოლიკოს პატრიარქმა, სწორედ სიონის უძველესი საპატრიარქო ტაძრიდან დაიწყო და ამას „მზიანი ღამე“ უწოდა
უწმინდესობამ მოღვაწეობა, როგორც საქართველოს კათოლიკოს პატრიარქმა, სწორედ სიონის უძველესი საპატრიარქო ტაძრიდან დაიწყო - მას „მზიანი ღამე“ უწოდა, - ამის შესახებ სიონის საკათედრო ტაძრის დეკანოზმა, მამა გიორგი სანამაშვილმა ჟურნალისტებთან განაცხადა.
მისივე თქმით, სრულიად საქართველოს კათოლიკოს-პატრიარქის დაკრძალვისთვის შეირჩა სასურველი საპატიო ადგილი.
„უწმინდესობამ მისი მოღვაწეობა, როგორც საქართველოს კათოლიკოს პატრიარქმა, სწორედ სიონის უძველესი საპატრიარქო ტაძრიდან დაიწყო - მას „მზიანი ღამე“ უწოდა. შეირჩა სასურველი, საპატიო ადგილი - სიონის ჩრდილო-აღმოსავლეთით მდებარე საკურთხევლის შესასვლელთან ამბიონზე, სადაც დაბრძანებულია ქართველი ერის, სათაყვანო სიწმინდე, წმინდა ნინოს ჯვარი. ასევე, ივერიის ყოვლადწმინდა ღვთისმშობლის ხატი“,- აღნიშნავს მამა გიორგი სანამაშვილი.
ცნობისთვის, სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში 17 მარტს გარდაიცვალა. ილია მეორის გარდაცვალებასთან დაკავშირებით, საქართველოში გლოვა გამოცხადდა. საქართველოს კათოლიკოს-პატრიარქს, უწმინდესსა და უნეტარეს ილია მეორეს, 22 მარტს, სიონის საკათედრო ტაძარში დაკრძალავენ.
