ავსტრალიის პრემიერ-მინისტრის ენტონი ალბანეზის განცხადებით, ირანის წინააღმდეგ მიმდინარე ომის დეესკალაცია და ომის მიზნებთან დაკავშირებით მეტი სიცხადე სურს.

„რაც შეეხება იმას, თუ როგორ აწარმოებს დონალდ ტრამპი ამ ომს, მინდა ვნახო მეტი სიცხადე იმის შესახებ, თუ რა არის ომის მიზნები და მინდა ვნახო დეესკალაცია. კონფლიქტის დასაწყისში განსაზღვრული მიზნები იყო: პირველი, შეეჩერებინათ ირანის მიერ ბირთვული იარაღის მოპოვება - ცხადია, რომ ეს მიღწეულია; მეორე, ირანის სამხედრო ქმედებებში ჩართვის შესაძლებლობის შემცირება, როგორც ღიად, ასევე „ჰეზბოლას“, „ჰამასისა“ და „ჰუსიტების“ მეშვეობით - ცხადია, ირანის პოზიციის მნიშვნელოვანი დაქვეითება მოხდა. მესამე, რეჟიმის შეცვლა და ვფიქრობ, რომ ისტორია ძალიან ნათლად გვეუბნება, რომ გარედან რეჟიმის შეცვლა ძალიან რთულია“, - აღნიშნა ავსტრალიის პრემიერმა.