ისრაელი ირანში თავის ომის მიზნებს რეჟიმის ცვლილების გარეშე ალბათ ვერ მიაღწევს, - ამის შესახებ აშშ-ში ისრაელის ელჩმა, იეჰიელ ლეიტერმა განაცხადა.

„მიზანი იმის უზრუნველყოფაა, რომ თეირანში ისეთი ძალა არ იყოს, რომელიც ბირთვულ იარაღს ქმნის ან მასობრივი განადგურების იარაღს ავითარებს. ახლა ყურადღებას სწორედ ამას ვუთმობთ. თუ ეს რეჟიმის ცვლილების გარეშე მოხდება, კარგი იქნება, მაგრამ ალბათ ეს არ გამოვა. ამიტომ, სულ მცირე, ჩვენ რეჟიმის ჩამოშლა გვსურს“, - განაცხადა აშშ-ში ისრაელის ელჩმა.

მისი თქმით, ირანში ომის დაწყების შემდეგ სპარსეთის ყურის სახელმწიფოებმა ისრაელს „დახმარებისთვის მიმართეს“.

„ბოლო ერთი თვის განმავლობაში უფრო დავუახლოვდით არაბთა გაერთიანებულ საამიროებს, საუდის არაბეთს, ომანს, ბაჰრეინსა და ქუვეითს“, - აღნიშნა ელჩმა.