აშშ-სა და ირანს შორის მიღწეული ცეცხლის შეწყვეტის შეთანხმება ლიბანსაც უნდა მოიცავდეს, - ამის შესახებ დიდი ბრიტანეთის საგარეო საქმეთა მინისტრმა, ივეტ კუპერმა განაცხადა.

„გვსურს, რომ ცეცხლის შეწყვეტის შეთანხმება ლიბანზეც გავრცელდეს. გსურს, რომ შეთანხმება ლიბანსაც მოიცავდეს, რადგან წინააღმდეგ შემთხვევაში, ეს მთელი რეგიონის დესტაბილიზაციას გამოიწვევს“, - განაცხადა კუპერმა.

მისი თქმით, გუშინ ისრაელის მიერ ლიბანში განხორციელებული დარტყმები რეგიონული სტაბილურობისთვის „დამაზიანებელი იყო“.

ცნობისთვის, გუშინ ისრაელმა ლიბანში „ჰეზბოლას“ წინააღმდეგ მასშტაბური დარტყმები განახორციელა. ლიბანის ხელისუფლების ცნობით, ისრაელის იერიშების შედეგად სულ მცირე 254 ადამიანი დაიღუპა და 1100-ზე მეტი დაიჭრა.

ისრაელის თავდაცვის ძალებში განაცხადეს, რომ დარტყმების სამიზნე ობიექტებს შორის „ჰეზბოლას“ სამეთაურო პუნქტები და ინფრასტრუქტურა იყო.