უნგრეთის ოპოზიციური პარტია „ტისას“ ლიდერის, პიტერ მადიარის განცხადებით, პრემიერ-მინისტრმა ვიქტორ ორბანმა ტელეფონით გამარჯვება მიულოცა.

„პრემიერ-მინისტრმა ვიქტორ ორბანმა ტელეფონით მოგველოცა გამარჯვება“, - წერს მადიარი სოციალურ ქსელში.

ცნობისთვის, უნგრეთის საპარლამენტო არჩევნებში, ხმების 45.71%-ის დათვლის შემდეგ, პარტია „ტისა“ ლიდერობს. ამ მონაცემების თანახმად, „ტისა“ 199-ადგილიან პარლამენტში 135 მანდატს მიიღებს, ხოლო პრემიერ-მინისტრ ვიქტორ ორბანის პარტია „ფიდესი“ და მისი მოკავშირე ქრისტიან-დემოკრატიული სახალხო პარტია (KDNP) 57 ადგილს.

უნგრეთში საპარლამენტო არჩევნები დღეს ჩატარდა.