ბექა ნაცვლიშვილი გიგა ბოკერიას - გონებრივი თვალსაზრისით, მთელი „ნაცმოძრაობა“ რაც ხართ, იმაზე ჭკვიანი ნამდვილად იყო ტროცკი

გონებრივი თვალსაზრისით, მთელი „ნაციონალური მოძრაობა“ რაც ხართ, იმაზე ჭკვიანი ნამდვილად იყო ტროცკი, - ასე მიმართა ფრაქცია „ქართული ოცნება - სოციალ-დემოკრატების“ წევრმა ბექა ნაცვლიშვილმა საპარლამენტო უმცირესობის წევრ გიგა ბოკერიას მას შემდეგ, რაც ამ უკანასკნელმა მის გამოსვლას ტროცკისტული უწოდა.

გიგა ბოკერიას რეპლიკა ბექა ნაცვლიშვილის გამოსვლას მოჰყვა, რომელმაც ეკონომიკის ახალი მინისტრობის კანდიდატ გიორგი ქობულიას ხედვებს სრული მხარდაჭერა გამოუცხადა.

„იმ ანალიზს, რომელიც თქვენ გააკეთეთ, აბსოლუტურად ვიზიარებთ და ვეთანხმებით, მიზნებსაც, ჩვენი მხარდაჭერაც გექნებათ. უბრალოდ მაინც მაქვს რამდენიმე კითხვა. როცა ინკლუზიურ ზრდაზე ვსაუბრობთ, ბიუჯეტის შევსება ხდება არა მაღალშემოსავლიანების მხრიდან, არამედ დაბალშემოსვალიანების მხრიდან. რაც არ უნდა რეფორმა გავატაროთ, ეს საგადასახადო სტრუქტურა თუ არ შევცვალეთ, გადანაწილებაზე მხოლო და მხოლოდ თეორიული მსჯელობა იქნება. გადანაწილების სხვა მექანიზმი არსებობს, ესაა ბრძოლა დასაქმებულთა ორგანიზაციების მხრიდან. თქვენ გაამახვილეთ ყურადღება ძალიან მნიშვნელოვან საკითხებზე, რაც შეეხება ინდუსტრიალიზაციას. ფინანსებზე ხელმისაწვდომობის აღმოფხვრას როგორ ვაპირებთ, იმიტომ რომ იმ ქვეყნებში, რომლებიც სწრაფად განვითარდნენ, იყო დაფინანსების ალტერნატიული წყაროები, მაგალითად, განვითარების ბანკი“, - განაცხადა ბექა ნაცვლიშვილმა.

გიგა ბოკერიამ გაერთიანებული კომიტეტების სხდომის წამყვანს ჰკითხა, „რამე იდეოლოგიური ტესტი ხომ არ არსებობს, რომ ტროცკისტულ გამოსვლებზე და ნაციონალიზაციაზე ლიმიტი არ არის და სხვებზე არის“. მას შემდეგ, რაც რომან კაკულიამ ეთიკის ფარგლებში მსჯელობაზე მიუთითა, ბოკერიამ აღნიშნა, რომ არაეთიკური არაფერი უთქვამს, ვინაიდან ბექა ნაცვლიშვილისთვის ტროცკიზმი არის კომპლიმენტი.

„გონებრივი თვალსაზრისით, ინტელექტუალური თვალსაზრისით, მთელი „ნაციონალური მოძრაობა“ რაც ხართ ინტელექტუალური თვალსაზრისით, იმაზე ჭკვიანი ნამდვილად იყო ტროცკი, დამერწმუნეთ. ტროცკი უფრო კაი ტიპი იყო თუ „კასტილიანი“ კაცი რომ გყავდათ, რომელიც ხალხს აუპატიურებდა, ერთი ეგ მითხარი“, - განაცხადა საპასუხოდ ბექა ნაცვლიშვილმა.

გიგი გიგიაძე - ხელისუფლება ვერ ახერხებს რუსულ კანონზე აბსოლუტური უმრავლესობის აზრის შეცვლას, დღითიდღე ფერები იცვლება და სულ უფრო მეტად ხდება ყველაფერი შავ-თეთრი
ქართული პრესის მიმოხილვა 29.04.2024
ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
სილქნეტი „დაჭრილ მებრძოლთა თანადგომის ფონდის“ საქმიანობის ანგარიშს აქვეყნებს
კახა ოქრიაშვილი - იმედია, რევოლუციის შიში „ოცნებას“ უარს ათქმევინებს არჩევნების გაყალბებაზე
GM PHARMA ტექნოლოგიურ განვითარებას აგრძელებს
ვებრძოლოთ სისუსტეს და ადვილად დაღლას - შევმატოთ ორგანიზმს სასიცოცხლო ენერგია
საქნახშირის მოპოვების მაჩვენებელმა ჯამში 1 000 000 ტონას მიაღწია