რუსთავში სუპერმარკეტების ქსელ „ორი ნაბიჯის“ მაღაზია გაქურდეს. წინასწარი ინფორმაციით, შემთხვევა გამთენიისას მოხდა. მე-15 მიკრორაიონის ტერიტორიაზე არსებულ მაღაზია „ორ ნაბიჯში“ ქურდებმა კარის დაზიანების გზით შეაღწიეს, სალაროდან წაღებულია თანხა. შემთხვევის ადგილზე ექსპერტ-კრიმინალისტები მუშაობენ.
როგორც „ინტერპრესნიუსს“ შსს-ში განუცხადეს, გამოძიება სსკ-ის 177-ე მუხლით მიმდინარეობს, რაც ქურდობას გულისხმობს. უწყების ინფორმაციით, დადგენილია დანაშაულში ეჭვმიტანილი პირის ვინაობა და მის დასაკავებლად საგამოძიებო მოქმედებები მიმდინარეობს.