"ალიანსი საქართველოსთვის" ლიდერი ირაკლი ალასანია რევოლუციას არა ქვეყანაში, არამედ საზოგადოების ცნობიერებაში გეგმავს.

;;; ამის შესახებ ალასანიამ დღეს "საზოგადოებრივი მაუწყებლის" ეთერში "გაზაფხულზე დაანონსებული ჭექა-ქუხულის" თემაზე საუბრისას განაცხადა.

;;; მისი თქმით, რევოლუცია უნდა მოხდეს ადამიანების შეგნებაში, სადაც დამკვიდრებულია, თითქოს არჩევნების გზით წარმატების მიღწევა შეუძლებელია. "ეს უნდა შეიცვალოს ადამიანების გონებაში", – განაცხადა ალასანიამ, რომელიც არჩევნებში წარმატებაში დარწმუნებულია, თუმცა, იქვე ხაზს უსვამს, რომ ეს პროცესი ზურაბ ნოღაიდელთან ერთად არ წარიმართება.