გაერო-ში რუსეთის ფედერაციის წარმომადგენლის, ვიტალი ჩურკინის განცხადებით, ანტი ტურუნენი საქართველოში გაერო-ს გენერალური მდივნის სპეციალური წარმომადგენელი არ არის და პოლიტიკური მანდატი არ აქვს.

ჩურკინის განცხადებას სააგენტო “რია ნოვოსტი”; ავრცელებს. ჩურკინის თმით, ტურუნენი მხოლოდ ჟენევის დისკუსიების თანათავმჯდომარის ფუნქციას შეასრულებს. მან გაიხსენა, რომ ჟენევის დისკუსიებზე გაერო-ს მხრიდან თანათავმჯდომარე იოჰან ვერბეკე იყო.

ჩურკინის განმარტებით, ვერბეკე თანათავმჯდომარეობამდე უკვე იყო გაერო-ს გენერალური მდივნის სპეციალური წარმომადგენელი და “საქართველოსა და აფხაზეთში” გაერო-ს მისიის ხელმძღვანელი.

რუსეთის წარმომადგენელმა აღნიშნა, რომ მას შემდეგ, რაც რუსეთმა მისია დაბლოკა და რეგიონიდან გაერო-ს დამკვირვებლები გავიდნენ, გენერალური მდივნის სპეციალური წარმომადგენლის პოსტი, რომელსაც გაერო-ს უშიშროების საბჭოს მანდატი ჰქონდა, გაუქმდა, როგორც ფიზიკურად, ისე; - იურიდიულად.;

“მისია აღარ არის, მაგრამ ჟენევის დისკუსიები გრძელდება, რომელზეც სამი თანათავმჯდომარეა – ევროკავშირის, ეუთო-ს და გაერო-ს მხრიდან. გენერალურ მდივანთან კონსულტაციების შემდეგ ეს ადამიანი – ფინელი დიპლომატი შეარჩიეს. დადგინა ფორმულა, რომლის მიხედვითაც, მას რაიმე განსაკუთრებული ტიტული არ აქვს, ის არის არა სპეციალური წარმომადგენელი, არამედ, უბრალოდ, გაერო-ს წარმომადგენელი. ამდენად, ტურუნენი ჟენევის დისკუსიებსა და ინციდენტების პრევენციის მექანიზმების მუშაობისას მხოლოდ პრაქტიკულ და პრაგმატულ ამოცანებს შეასრულებს”, - ამტკიცებს ჩურკინი.;

საქართველოში გაერო-ს გენერალური მდივნის სპეციალურ წარმომადგენლად ფინელი დიპლომატი ანტი ტურუნენის დანიშვნის შესახებ 2 მარტს გახდა ცნობილი. ამის შესახებ ფინეთის საგარეო საქმეთა მინისტრმა, ალექსანდრ სტუბმა განაცხადა.

;