მადრიდში დღეს იმ ადამიანების ხსოვნას მიაგებენ პატივს, ვინც 6 წლის წინ ტერაქტის დროს დაიღუპა.

როგორც გერმანული გაზეთი ‘’დელტი’’ იუწყება, დაღუპულთა ოჯახის წევრები და მადრიდის მცხოვრებლები უბედური შემთხვევის ადგილზე სიმბოლურად ფოტოებითა და ყვავილებით მივლენ.

ტერორისტული აქტი მადრიდში 2004 წლის 11 მარტს განხორციელდა. Qქალაქის სადგურებზე - ატოჩა, ელ-პოსო და სანტა ეუხენია 5 წუთის ინტერვალით 13 ბომბი აფეთქდა. აღნიშნულ ტერაქტზე თავდაპირველად პასუხისმგებლობას ბასკურ ტერორისტულ ორგანიზაციას ‘’ეტა‘’-ს აკისრებდნენ, მოგვიანებით კი გაირკვა, რომ ტერაქტი ისლამისტური დაჯგუფება ალ ქაიდას მიერ იყო ორგანიზებული

აფეთქების შედეგად მადრიდში 191 ადამიანი დაიღუპა, 2000-მდე კი დაშავდა.